【晨操有嘢睇】靜極思動!呂健威何澤堯瞄準「獵」物
獵狐章者醉醒神何澤堯呂健威
何澤堯(右)與呂健威今季多次炮製半冷Win,今晨他們一早在烽火台見面傾戰略。
練馬師呂健威及本地薑何澤堯呢對半冷門騎練組合,已經沉靜咗一段時間,不過睇今朝(18日)動態,喺周三(19日)全泥地夜馬賽事,有必要留意呢個組合。
事關今朝六點半,呂健威及何澤堯首先在飛機坪密斟五分鐘,之後兩人一同往烽火台再傾咗超過十分鐘。
呢個騎練組合今期有第三場四班1650米「獵狐章者」,以及第五場四班1200米「醉醒神」出擊。
其中,「獵狐章者」今季初出在何澤堯胯下跑谷草1200米,爆大冷位置,之後再跑兩場戴眼罩,反而表現失準。今次除眼罩轉跑泥地賽事,隨時會有突破性演出。