陳瀅、薛凱琪(Fiona)、鄭希怡(Yumiko)同王敏奕和男友曾國祥、沈震軒等到灣仔出席時裝品牌 Coach 慈善活動。

Fiona今日一連出席兩個活動，佢日前推出150張限量版新專輯，在一小時內售罄，Fiona希望藉此多謝支持佢嘅粉絲，同時被投訴推出數量太少，佢解釋話：「今次除咗發起音樂亦想推動環保，買唔到box set嘅人請多多原諒。」Fiona最近擔任演藝人協會理事，未來會緊密開會參與合作，但係有啲咩大計就要賣個關子先。

Yumiko早前帶同囡囡梁浸浸到日本旅行滑雪，囡囡好快學識，佢話：「我都覺得好神奇咁快就學識，可能小朋友重心低，敢嘗試，覺得佢平衡力幾好，可能平時有教佢玩開平衡車，掌握到少少，呢方面一定好過我，佢仲話要上山頂，我同阿女講我都未上到，我要再努力進步。」Yumiko沒有刻意鍛鍊女兒玩運動，認為小朋友朋友可多方面發展，現在發掘階段中。梁浸浸即將3歲生日，Yumiko話：「阿女開始大個有思想，話要切蛋糕同邀請朋友仔參加生日會，不過佢嘅朋友只係得陳真同Jasper，諗緊幫佢搞一個生日會。」

曾國祥同女友王敏奕一同現身，曾國祥四月底會再重慶開拍一套有關校園欺凌電影，希望關注呢一個日趨嚴重問題。電影起用國內演員，所以冇預女友，曾國祥叫女友隨時去探班。

精選娛聞，喺晒《娛果》
http://fb.com/appledailyent