鄭嘉穎無簽大台之後，早前就參加大陸真人騷《好運旅行團》，同田亮、溫兆倫、張之航等一齊做嘉賓。

參加得真人騷就預咗要俾人玩，嘉穎向來走型佬路線，但早前竟然肯為節目犧牲，反串扮女人着裙褂，做田亮嘅新娘子（新聞連結： http://bit.ly/2sk6KPJ ）。而最新播出嘅一集，嘉穎又扮cute賣萌，雖然佢已經47歲，但心境年輕，模仿年僅20歲嘅大陸男藝人張之航伸脷兼扭耳仔一樣咁掂，被大陸網友封做「鄭萌萌」，相信呢啲趣怪表情，連女友陳凱琳都好少見。

嘉穎仲喺節目中一展廚藝，炮製客家釀豆腐、芋子包、白灼牛肉、紅燒排骨等。見嘉穎刀功細膩，每刀皆有板有眼，不過捉活雞就比較論盡，每次出招欲擒都撲個空。