猷君與Kimmy維繫異地戀，歷時4個月告終……

猷君今日被《蘋果》影到佢同混血新女攬錫遊超市，二人態度親暱如熱戀情侶，《蘋果》就打畀佢問感情狀況時，佢以短訊直認與新加坡富家女Kimmy已分手：「因為工作原因，差不多兩個月了，因為一個在韓國，一個在美國距離大了。」問到佢新戀情，佢表示：「剛發展，好女仔，私人問題不回答那麼多啦，要尊重女生。」

其實猷君去年同12月同新加坡變臉孖妹女子組合by2成員白緯玲（Yumi）分手後，即與新加坡富家女林慧俐(Kimmy)火速撻着，當時二人雖分隔兩地，猷君喺美國讀書，而Kimmy就喺新加坡做模特兒工作，之但係佢哋都抽時間見面，一月分別喺新加坡同香港慶祝猷君生日、二月就一齊去西班牙、巴黎拍拖過情人節。

直至4月時，Kimmy忽然喺Instagram取消關注男友，皆因佢簽咗韓國模特兒公司，轉搞地下情，當時Kimmy都有低調嚟香港同猷君喺置場廣場shopping，殊不知原來當時佢哋都接近分手邊緣。

此外，猷君舊愛Kimmy如常在Instagram貼相，大多係模特兒工作照，工作發展不俗，甩拖嘅Kimmy似乎全力投入，寄情工作。