當年今日
關於我們

【Respect】唔會因為傳緋聞影響關係 松岡李那對洗米華始終如一

蘋果日報 2018/03/11 18:55

松岡李那張建聲王宗堯作家的謊言

張建聲、松岡李那、王宗堯今日喺山頂為電影《作家的謊言》開工,松岡一身性感衣服上陣, 張建聲今日生日,但係都要為有份監製嘅電影開工,劇組預先準備咗蛋糕同佢慶祝,其中一個係女友陳嘉莉送上。
張建聲同松岡連續開工一星期,每日都係得三四個鐘頭瞓覺,阿聲話首次監製有壓力,仲要增磅十磅,佢仲話好佩服松岡喺電影裏面全部以廣東話演繹同收音,松岡隨即示範廣東話對白,但發音半咸淡:「除衫,唔介意幫我著埋另外隻絲襪。」大家留意所講嘅除衫,其實就係戲中阿聲稱呼徐生。
松岡今日擺出多個性感甫士現身,不慎露出打底褲,而所有戲服都係性感,佢話:「always only underwear,給我衣服。」阿聲透露兩人性感戲已在頭段時拍完,知道日日趕工好辛苦,所以佢日日都開工萬歲,幾乎搞到自己零片酬。
阿聲同松岡之前喺蕭定一旗下公司春茗時同坐一枱, 後來周焯華(洗米華)起埋身同松岡碰杯,一班人都好高興,搞到原本坐附近阿聲見呢個勢色即彈開,不過阿聲今日話:「冇彈開,好開心見到華哥,成班朋友都好friendly,春茗食飯坐坐下好自然呢度傾,嗰度傾,傾傾下就行咗去。」現場蕭定一同洗米華喺堂上面唱歌,蕭定一曾經高呼請松岡上枱,但當時松岡只夠膽企起身呼應,唔敢上台,佢話:「有人拉住我叫我唔好上去,我唔知邊個,如果真係上台我ok,我好鍾意唱歌。」你鍾意唱歌定鍾意華哥?松岡不避嫌話:「全部都一樣。」
當晚松岡同華哥傾咗啲乜?松岡話唔記得咗,阿聲就係側邊話:「可以講電影,o依家我保護緊你,我好危險。」松岡一臉茫然問點解,乜嘢都可以講得。然後阿聲話:「you are so見得光。」 松岡話認識華哥七年,關係至今仍然一樣,覺得對方係好人,好respect佢,好nice,係我偶像,唔會因為傳緋聞影響關係,而且緋聞唔係真,阿聲隨即學松岡話respect 華哥。
今日係立法會補選日,王宗堯表示自己有去投票,但唔講得投邊位,日前有多個同鄉社團代表上台支持港島候選人陳家珮,但就叫錯名做「鄭家珮」、「鄧家佩」(新聞連結: http://bit.ly/2p0f1oH ),王宗堯今日唔知專登定冇心又講錯名:「梗係支持『鄭家珮』、『鄧家佩』啦,佢哋族譜咁大。我希望自己投選者選到,每年都多風波,迎難而上,好似電影圈一樣。」
精選娛聞,喺晒《娛果》
http://fb.com/appledailyent
empty
張建聲、松岡李那、王宗堯今日喺山頂為電影《作家的謊言》開工。
empty
張建聲同松岡連續開工一星期,每日都係得三四個鐘頭瞓覺。
empty
松岡今日擺出多個性感甫士現身,不慎露出打底褲,而所有戲服都係性感。
empty
阿聲透露知道日日趕工好辛苦,所以佢日日都開工萬歲,幾乎搞到自己零片酬。
empty
松岡話認識華哥七年,關係至今仍然一樣,覺得對方係好人。
empty
今日係補選日,王宗堯表示自己有去投票,但唔講得投邊位。