英國萬人迷碧咸（DavidBeckham）今日中午由倫敦到港，出席多個私人活動，夜晚現身中環香港會的時裝品牌Kent&Curwen晚宴活動，吸引關之琳、千億新抱徐子淇、楊千嬅、楊愛瑾、溫碧霞、關智斌、關楚耀、霍啟山、雷林靜怡夫婦等人前來一睹他風采。碧咸大概7時45分，由兩名男保鑣陪同下現身，身穿西裝的他落車見到有駐足守候的粉絲拎波衫要求他簽名，他都有求必應企定定滿足對方要求，然後才步入會場。

之之接受訪問時表示第一次見碧咸，不過並非粉絲：「我都唔鍾意睇波，因為同呢間公司熟就嚟。」問到會否趁機集郵同傾時裝經，她表示：「我有留意佢太太多啲，係佢粉絲，自己少集郵，不過都有朋友叫我影底佢相留念。」千嬅夫婦齊齊做訪問：「如果見到面，會同碧咸講佢太太設計好靚，我都有買，奶奶先係足球迷，囝囝Torres係足球員名都係佢改。」丁生就係隔籬表示第一次見碧咸，問到他為何不帶母親前來，他笑言：「係喎，唔記得，媽咪下星期生日，噚晚慶祝咗。」

溫碧霞接受訪問時表示：「第一次見碧咸，以前佢踢波時已經鍾意佢，鍾意睇靚仔踢波，會乘機同佢集郵，有機會傾下湊仔經。」楊愛瑾就繞實老公郭永淳前來，之後更用手輕輕摸住肚皮。