著名小提琴家姚珏噚晚喺中環大會堂舉行慈善演奏會，今次演奏會主要係演奏已故小提琴家克萊斯勒(FritzKreisler)嘅作品，眾多政商界名人出席，包括前特首董建華、應屆特首梁振英、基本法委員會副主任梁愛詩及明美蓮一家等等。

馬德鐘與太太張筱蘭，亦帶同兒子馬在驤到來欣賞。不少市民見到馬德鐘即擁上前拍照，搞到佢變咗人肉佈景板，老婆同阿仔就即時彈開。

馬在驤今年已經14歲，高大靚仔，馬德鐘話冇諗過介紹囝囝入無綫。咁囝囝係咪同老竇一樣，好受異性歡迎？馬德鐘就話：「問過佢，佢就話唔係，不過我以前嘅模特兒公司，都有問過我個仔有冇興趣入行，我都唔會反對，都想佢試吓唔同嘅嘢，練下膽量。但個仔鍾意電影，唔知佢鍾意幕前定幕後。」