【停演不停操】游學修勤做GYM 操弗自己同劉俊謙重演同志劇
蘋果日報 2020/03/21 12:30
游學修同志劇劉俊謙
游學修昨晚到新城接受訪問，近日武漢肺炎不斷有確診數字，之前他在IG曾指自己多日沒出街，笑謂自己快變魔界角色中的咕嚕一角，他稱現在出街也是去健身室，他解釋謂：「因為之前有個舞台劇延期，隨時等佢重演，所以要保持做運動，其餘時間喺屋企打機同寫劇本，但主要打機多。」他更笑言最近常打機，在亞洲排名在幾百以內，有考慮網上直播打機：「諗落覺得好怪，過唔到心理關口，同埋山外有山，都係做返自己專業算喇。」
女友曾樂彤受訪曾透露甚麼人也不見避疫情，游學修謂拍拖暫時隨緣，因每人也要在家隔離減少社交活動，他表示二人有各式各樣維繫感情：「隔離都唔主張互動，仲講乜維繫，有信息溝通，人係需要社交，我都有視像開會。唔記得幾耐冇見，睇佢訪問話乜人都唔見。」被問是否分手？他笑說：「睇你點睇，我配合佢，而家我status係開心、幸福。」曾有指女方公司不願二人高調提感情事，他笑言：「可能我公司唔畀我講，其實我鼓勵公司唔畀我講，但公司自由嘅，我都係配合。」
採訪、攝影：王連連
游學修昨晚到新城接受訪問。
因疫情影響被困家中，游學修謂：「喺屋企打機同寫劇本，但主要打機多。」
游學修笑言最近常打機，在亞洲排名在幾百以內，有考慮網上直播。