好多人都有養貓養狗，當正佢哋係一家人，少女時代成員徐玄都一樣，錫愛犬豆腐錫到燶，不過佢今日就喺Instagram向粉絲公佈壞消息，指豆腐已經去世。

徐玄公佈噩耗之前，首先擺咗一啲豆腐嘅相片同短片悼念，留言「我們愛着嘅豆腐」、我們打呵欠嘅豆腐」之後佢先分別用韓文同英文指豆腐已經離開。

徐玄說：「說實話，我有壞消息很難向大家講出口，我花了很長時間去收拾心情，不過現在可以講了。冇幾耐之前，我好愛嘅嘅豆腐去了天國，豆腐應該好開心，喺呢段時間得到咁多人嘅愛。我好多謝每一位喜歡同愛豆腐嘅朋友，請大家為豆腐祈禱，希望佢去到一個更好嘅地方。」

消息傳出後，粉絲都紛紛留言安慰徐玄，希望佢唔好太傷心，又話豆腐好幸運遇到佢呢個咁錫佢嘅主人。