【青筋手穿崩】森美含情脈脈貼拖手相 大叔的愛被嫌棄
蘋果日報 2019/09/29 13:59
森美吳若希丁子朗森美旅行團
IG圖片
近日森美拉隊到日本拍大台節目《森美旅行團》，同行成員有吳若希、丁子朗和麥美恩，昨晚森美在社交網貼拖手相，留言：「甜蜜嘅背後，究竟邊個係最甜蜜嘅呢一隻手？Behind the scene，永遠都係最吸引。」
相中的森美含情脈脈望着對方交足戲，但第一張相只見到一隻滿佈青筋的手，明顯地是一隻男人手，擺明玩嘢，第二張相就將神秘人身份揭盅，原來是麻甩佬丁子朗，他還露出一面「嫌棄」表情，十分抵死；鄭秀文、丁子高都用笑到喊的公仔回應，DJ雲妮則留言：「妖！好冤氣呀呀呀！」阮小儀亦取笑：「大叔的愛」江嘉敏就話：「好正」。
之前吳若希同樣上載一張「男友視角」拖手相，但就沒有揭露對方身份，老公Alex扮呷醋留言：「告訴我這隻手是麥美恩」吳若希以三個笑到喊的公仔回覆老公，麥美恩留言：「儍啦，我隻手滑好多白好多。」Alex即tag丁子朗：「出嚟認咗佢」丁子朗乖乖蒲頭：「何生你好」十分爆笑。
森美眼神含情默默 （IG圖片）
丁子朗一面嫌棄 （IG圖片）
吳若希都曾貼「男友視角」令老公呷醋 （IG圖片）