當年今日
關於我們

【一波未平】DC勢走人門神唔續約 干地頭都痕

蘋果日報 2017/06/16 14:30

車路士干地泰拔高圖爾斯迪亞高哥斯達

轉會窗仲未正式重開,英超列強已經急不及待係咁簽人。反觀下季英超衛冕嘅車路士冇乜動靜之餘,仲要面對主力流失問題。據報領隊干地繼續企硬,堅持要踢走前鋒迪亞高哥斯達(DC),另一邊廂,車仔首席門將泰拔高圖爾斯就同球會傾續約唔多順利,認真頭痕。
據報車路士球會方面已經同25歲嘅高圖爾斯開出新約條件,不過呢位比利時門將似乎唔太滿意,暫時仲喺拉鋸狀態。車路士同高圖爾斯傾都唔可以慢,有傳皇家馬德里放棄斟介曼聯嘅迪基亞之後,會轉移目標向高圖爾斯。