去年出寫真嘅「歐氏三姊妹」——模特兒歐詠珊（Janice）、歐詠寶（Yogurt）及歐詠怡（Wing Wing），三個一齊現身，你未必分得清；獨立一個就易搞啲……今次係Wing Wing。

噚日Wing Wing拍咗個手機遊戲廣告，有特務及護士造型，同男model阿Don好sweet咁咀下攬下。尷唔尷尬？Wing Wing話：「最緊要影得出嚟夠靚，阿Don仲係我首《愛神箭》MV男主角，之前都做過對手戲，所以就冇咁尷尬。」

問到滿唔滿意酬勞咁啦，Wing Wing已經猛話好滿意仲自爆有6位數字添。至於佢首《愛神箭》下月先有MV發佈會，同埋錄緊第二首歌，不過係慘情歌嚟嘅。