一家大細煮飯仔 - 李八方

蘋果日報 2004/07/05 00:00


呢輪政界流行講「溫和」同「和解」,估唔到連親子活動都多咗個賣點。香港中華基督教青年會(YMCA)同埋中電,噚日舉辦「全港親子樂無火烹飪比賽決賽」,共有103隊家庭參加,發揮親子間的合作精神,烹調色香味俱全嘅菜式,角逐冠軍寶座。現場香味處處,歡笑聲此起彼落,相信呢種「和諧」最感人,老董怕且都要學吓,同民主派一齊煮番幾味「合家歡」,擺番幾圍和頭酒。
青年會總幹事易嘉濂博士話,平時啲父母多數掛住返工,甚少機會同小朋友一齊下廚,烹飪比賽可以提供一個接觸點,等父母子女培養默契,更希望孩子因此更體會父母嘅心意和辛勞,喺當中學習獨立能力。
結果,丘鳳華女士抱住個兩歲小朋友,煮咗個冠軍返嚟。
此外,大會係早前舉辦「全港親子樂填色比賽」,總共收到逾七萬四千份嘅作品,作品叠起恍如數個小山丘,反應熱烈驚人,分分鐘創新紀錄。
(圖)平日父母掛住返工,一齊食飯都已經好難得,何況重一齊煮飯! YMCA提供圖片



傳真︰2623-9278
電郵︰[email protected]