莫雷拉剛戰（9日）騎蔡廐馬百分百上名，畢竟騎練都係冠軍級人馬，成績好乃意料中事。雷神自從重臨以來，騎外線馬亦交出不俗成績，而他於周末（12日）沙田兩場五班賽均非策蔡廐馬上陣。

其中，第二場五班1800米草地「火天大有」，上季仍在李易達馬房時就是由莫雷拉建功的，今季加盟何良馬房後按部就班，減分已多之馬用番雷神騎，一定唔會無的放矢。

「火天大有」對上兩季長居四班未能贏馬，不過落五班即露虎相，順利為當時的練馬師李易達（已離職）爭取到寶貴頭馬。

此駒暑期加盟何廐後健康正常，卻未知何故一直交不出應有水準，近仗更一改常用的留後跑法，偏向跟守前列好位。

「火天大有」上場跑以往演出平平的泥地，守在第三位跟跑返來唔斷，甚具試馬味道，今鋪終於等到雷神出馬，實在不容有失。

「火天大有」跑完上賽後悉心操練，早前由雷神試泥閘，末段一畀即有良好反應，狀態肯定對辦，周六於全闊A跑道角逐1800米，可盡展強橫後勁，以爭取轉廐首捷。