日本過氣天后濱崎步，今日下午抵達咗台灣，準備為林俊傑聽晚喺台北小巨蛋舉行嘅演唱會任嘉賓，細步姐十年嘅老外醫科生老公都有黐埋佢一齊去，令到步姐心情極靚。由於步姐七年冇去過台灣，吸引咗四百死忠粉絲迫爆機場，步姐仲好親切咁幫粉絲簽名，加上大批傳媒採訪，搞到場面好鬼混亂。

步姐排場同以往一樣勁，佢雖然只係做表演嘉賓，但都帶咗16名工作人員去，機場合共有成50個保安護送佢，由於今日喺情人節，步姐收到好多粉絲送花，仲有女粉絲送朱古力。步姐一到埗後就立即去咗復興南路食上海菜醫肚。