袁文傑今日喺油塘出席世界盃活動，身為愛波之人嘅佢力撐德國隊，記者笑謂大台今年冇世界盃，袁文傑話：「呢啲全民共享㗎嘛，不過我拍緊3個劇，都冇乜時間睇，但就一定會留意。」

袁艾傑仲話有人覺得佢似德國隊嘅高美斯同法國嘅基奧特，問佢覺得自己似邊個？袁文傑話：「着西裝就似高美斯，如果型格啲就似基奧特。」問到女友張潔蓮有冇陪住睇波？袁文傑笑謂：「佢平時都有陪我睇阿仙奴，跟得我多嘅人都會識（足球）。」

袁文傑笑指唔可以邊睇波邊食零食，因為要keep住身型拍泳池戲：「上一上水啫，梗定會着泳褲嘅，不過我冇特別操肌，咁多年都係fit fit地就算。」問到佢同張潔蓮嘅婚禮籌備成點？袁文傑聞言即話：「度緊㗎啦，度緊㗎啦，講住咁多先。」

一網睇盡
足動世盃 直擊俄國最前線
https://hk.feature.appledaily.com/worldcup2018/