【搵食艱難】敖嘉年倒戈拍ViuTV唔怕大台小氣：我哋係有合作嘅機會
蘋果日報 2020/06/10 16:37
敖嘉年ViuTV中老唔易做
敖嘉年今天於商台接受訪問，宣傳他為ViuTV拍攝的真人騷《中老唔易做》，今年1月底才宣佈離巢大台的敖嘉年，被問到替ViuTV工作，怕得罪方丈（TVB）嗎？他說：「應該唔會呀嘛！聽聞我哋係有合作嘅機會，未公佈得，係有問過我出年嘅時間。」他透露還有兩套劇未出街，更謂已作好準備接拍無綫劇，他說：「世界係圓嘅，唔好搞爛佢，大家開開心心就好。」
至於提到拍攝《中佬》的趣事，他謂在節目中要揸電單車送外賣，被他看穿電視台安排「媒」來為難他，但他沒有當場揭穿。而最難忘的經歷，敖嘉年表示有一天在滂沱大雨下送外賣，全身濕透，更遇到行家炒電單車，他說：「聽到『嘭』一聲，都知道係炒車，我即刻去幫手扶起架車，對方話冇事，仲即刻繼續行，我嗰日好唔開心，真係要搵命搏。」敖嘉年感受到送外賣真的很辛苦，大嘆搵食艱難，下次他叫外賣時也會給多點貼士。
採訪、攝影：羅慧敏
-----------------------------
1月底才宣佈離巢大台的敖嘉年謂已作好準備接拍無綫劇。
敖嘉年 為ViuTV拍攝真人騷《中老唔易做》，擔任外賣員。
敖嘉年表示有一天在滂沱大雨下送外賣，全身濕透，更遇到行家炒電單車。
敖嘉年感受到送外賣真的很辛苦，大嘆搵食艱難。