全民「食雞」熱，但打機打得多會傷神，不如食炸雞補充體力！今年分別36歲及28歲的情侶Joseph和Florence， 於15年頂手做脆意雞，並改名為「筲箕灣脆意雞」，他們對營運系統、人事管理及食物質素，都進行大改革，一洗以往客人對舊店的劣評。除了原本主打的炸雞及薄餅外，他們更增加食物的種類，如薯絲蝦、男爵薯餅及三文魚麥樂雞等小食，吸納更多年齡層的客人。用了約半年時間，他們慢慢獲得好評，儲了一批熟客，於節日時亦接到不少慶祝活動及機構派對的訂單，現時月賺約7萬，做出不錯的成績。

採訪時剛過了午市，但有不少下午茶客陸續光顧，客人不斷。身為老闆的Joseph及Florence要接待客人之餘，亦會到廚房親自製作食物，在廚房內分為炸雞區、薄餅區、小食區及意粉和飯區，記者有如親臨遊戲《Overcooked》的現場一樣，2人配合得很好，非常有效率，真是過關無難度！

筲箕灣脆意雞主要分堂食及外賣，Florence表示現時最好賣的是炸雞、牛脷飯及肉醬意粉，炸雞平均每15分鐘出爐，時間要控制得十分精準，看他們如此熟練及對食物質素有一定要求，相信就是挽回鋪頭形象的一大要訣。

Joseph在頂手脆意雞筲箕灣店前，曾在舊店任職副經理，他指自己因與公司理念不同而於14年辭職，之後從舊同事口中得知，客人對鋪頭出品的食品質素漸有微言，「13年，同一集團嘅芝脆雞及脆意雞因為新出而好受歡迎，但不論人事管理定食品質素都慢慢走下坡，有客人話啲飯好硬、芝士汁有啲酸、魚柳太鹹、出餐好耐或送外賣漏單等。」因生意漸趨不穩，舊老闆便聯絡本想創業開新鋪的Joseph，他於15年頂手店鋪。

改食物製法
頂手的好處是已熟悉餐廳的架構、食物製作及營運方法，焗爐及炸爐等也不用再添置，但Joseph認為營運的難題，莫過於重新建立形象，吸納新客群。「首先，我哋要調節每樣菜式嘅製作方法，好似以前嘅炸雞偏向深色，客人覺得太燶及唔夠脆，我哋改良配方，唔用以前嘅油及調味，令顏色變成金黃色及脆口，賣相及口感較吸引。」

另外，他們找到新的薄餅底供應商，新餅底沒有以往般油膩，放久了還很鬆軟。Joseph說：「因為製作麻煩，以前舊鋪冇再賣牛脷，但我學過點整，要先將牛脷煲幾個鐘，除去脷胎皮及去筋位，現在再推出，都幾受歡迎。」

除了着手改善食物質素外，Joseph表示亦有賴Florence替他管理人手。Florence於10年在香港大學修讀統計學系畢業，曾於酒店宴會廳工作，因而結識了Joseph，之後她到中藥廠任職品質控制員。

女友監控店鋪運作
Florence說：「最初我係兼職幫手，上年開始全職打理，我主要負責人手管理及鋪面運作。因為之前份工對所有數據都好敏感，所以喺頂手後，同事每做完一張單，我都會仔細檢查，漏單情況有明顯改善。另外，我哋轉咗收銀系統，減少一啲已經停用嘅按鈕，減低打錯單做錯order嘅機會，同埋可以收銀及廚房兩邊同時出單，令廚房及樓面嘅同事同時知道做緊乜嘢單，增加效率，減少客人等待嘅時間。」

宣傳方面，Joseph秉棄舊店採用的小巴車身廣告方式，「小巴廣告成效好低，反而學大型連鎖薄餅店用郵政方法派傳單，會比較實際。我哋會同傳單公司商量喺邊區派傳單，好似寫字樓區及住宅，然後定期做檢討。此外，我哋仲有用facebook及喺網台落廣告，增加外送嘅單。」

怕窮多過怕鬼
現時堂食及外送單的比例約為4比6，外送單更比接手前多了50%，實際體會到革新的成效。現Joseph不時會親自送外賣，「我哋外送嘅區域涵蓋西灣河到西環，有時遇到大型活動嘅訂單，都會送去九龍新界。即使我哋位於港島區，都遇過比較隔涉嘅地方，試過送去上環嘅西安里，連電單車都去唔到，要落車由巷仔再入先搵到。最難忘係送外賣去火葬場，以前舊店嘅車手講明唔送，而我怕窮多過怕鬼，所以親自上陣。」Joseph笑說車手見他次次都平安無事，於是大家都能夠克服心理關口，Florence表示：「火葬場嘅單到現在都仲有好多㗎。」

筲箕灣脆意雞離筲箕灣地鐵站約8分鐘路程，附近約有2至3間中學，Florence指每逢午市最多人，「午市好多學生及上班族，有時連學生都會打嚟訂定位，午市約12nn至2pm，日日都爆場；晚市就會多家庭客及老人家。」

現時節日月份會比較忙，Florence說：「啱啱過咗嘅12月平安夜及聖誕節，好多人開party，我哋接成2百幾張單，都幾誇張，我哋由朝做到通頂都收唔到工！嚟緊嘅母親節及父親節，預計會比平時多1倍訂單。」Florence指現在稍有成績， 她與Joseph計劃日後搬鋪到柴灣，除了方便他們上班外，亦希望可以擴充鋪頭。

搵好工，即上 http://www.ecjobs.com.hk