同寶哥哥極度親密嘅廖創興銀行太子女廖璧欣,盛傳近來個肚脹卜卜,喺政經界惹嚟有喜傳言。
八方噚日見到寶哥哥,梗係要八卦一吓,飛撲上前問吓佢嘅紅顏知己係咪真係有喜?點知原先講經濟問題仲好哋哋嘅寶哥哥,一聽到呢個問題就即時窒晒口,幾經追問下先吞吞吐吐咁話:「唔……唔……唔知道」,跟住就掉頭閃咗鬆人,唔肯再答其他問題,唔知係咪怕講多錯多?
唔講紅顏知己,寶哥哥仲有好多嘢可以講嘅,好似佢一見到細佬李國章,就即時雞啄唔斷,唔通佢哋平時好少見面,唔喺呢度傾偈都唔得?
講開又講,煲呔噚日講起唔會cut教育資源時,無情情講到如果cut,李國章就一定唔會放過佢。有路人甲就笑「唔放過佢」呢四隻字,其實係講緊特首跑馬仔遊戲,諗落又幾似噃。
傳真︰2623-9278
電郵︰
[email protected]