快活谷今晚（21日）賽事中，有一匹賽駒締速非常出色，就是第七場三班1200米，蘇保羅馬房之「騰龍超影」，此駒配祈普敦排3檔，負133磅上陣。

「騰龍超影」今季於總場次422同程谷草1200米落第而回，但末段造出21秒65追近，是今季谷草1200米最快末段時間。果然「騰龍超影」翌仗即順利於三班谷草1200米贏馬補中，總時間1分09秒61，比同晚二班頭馬「傑飛」多負四磅而仲要快0.12秒，可見跑此程威力有幾大。

其後「騰龍超影」升上二班三仗，均跑田草及泥地非所長，敗績不能作準，減夠分今次重返三班，即安排跑番谷草首本戲1200米，明顯又屆出擊時候。