周三歐聯B組掀起大戰，拜仁慕尼黑將作客今夏簽入尼馬及基利安麥巴比嘅巴黎聖日耳門（PSG），預計會係小組首次名嘅關鍵戰，而呢支德甲班霸嘅職球員，周二以全黑裝束飛抵巴黎。

眾所周知，拜仁嘅西裝係由著名時裝品牌Giorgio Armani提供，平時著親出嚟真係型到爆。佢哋周二出征巴黎，除咗好似平時一樣著上黑色西裝褸、黑色西褲同黑皮鞋，今次連上身嘅恤衫都係黑色，但全黑咁到埗巴黎，小心唔老禮喎！

可以話全隊拜仁最靚仔嘅占士洛迪古斯，自然最受歡迎，但智利國腳維達爾配埋個Mohawk頭，都唔輸蝕畀J.Rod。上個月喺國際賽受傷嘅阿拉巴，上周已經復操，今次佢亦喺大軍當中，相信可以喺周三時正式復出。