Shine今日喺銅鑼灣舉行街頭迷你音樂會，獻唱咗3首歌，吸引唔少人圍觀，不過徐天佑唱《燕尾蝶》時入快咗，事後佢哋解釋：「大家都係即興，其實之前為咗拍嘢，試過喺赤柱街頭唱live，我哋打開結他盒，點知真係有人擺低20蚊。」

對於佢哋明年3月喺紅館舉行演唱會，現時同郭富城拍戲嘅天佑，有冇邀請對方做嘉賓？佢話：「噚日先見到佢，佢知我哋開騷，請到佢嚟睇已經好開心，佢都有問我有冇操，仲話跳舞會容易fit啲。」唔好意思請郭富城做嘉賓？佢哋話：「怕要夾期，同埋公司想嘉賓係全女班。」此外，提到吳浩康幫朋友買飛而被走數，Shine表示：「上次10周年演唱會，我哋好努力安排朋友點坐，但今次公司唔俾我哋搞，開咗電話專線俾人訂飛。」

更多娛聞，喺晒《娛果》
http://fb.com/appledailyent