【棟析先機】劉業強新兵型格靚 插第三班着數到暈（陳華棟）
蘋果日報 2019/12/28 22:30
陳華棟棟析先機疾風勁草
疾風勁草長相出眾，必非池中物。
高伯新憑住「迪諾醫生」響香港嘅優異演出，吸引到馬會俾個牌佢響香港開倉，以為會成為冠軍王者，錯啦！越練越令人失望，成績年年都係中下游！
啱啱禮拜四（26日）晚隻「新威龍」，呢匹馬高伯新已經練咗三季都係跑開短途，啱啱就轉去跑一哩，若想幫隻馬減分，一放了事就完成任務，但蔡明紹早段捉到隻馬頭岳岳，完全違反馬性，結果跑包尾，輸得好礙眼。
今期第八場三班1400米草地，「疾風勁草」係蔡廐初出馬，馬主係劉業強。
呢匹三歲愛爾蘭馬響外地跑六場拎到四冠一亞一殿成績，轉彎左右兩個方向都得，贏到一哩肯定係馬房今季打吡棋子之一。
「疾風勁草」外貌入型入格，插班編入第三班真係着數到暈，對手唔算強勁，就算試閘只係初起，都夠贏呢組馬。