46歲的馬國明暗撻33歲的湯洛雯兩個多月，他本月初被拍到在湯洛雯的紅磡寓所歡聚4小時，之後再以情侶裝孖公仔出巡，令戀情曝光後，兩人事後齊齊在IG大方認愛。坊間也祝福這對金童玉女，期待他們早日拉埋天窗，馬明亦被爆拜會過女方家長，湯洛雯雙親對馬明讚不絕口。

湯洛雯昨晚在IG貼出全家跟媽咪慶祝生日照片，相中除壽星婆，還有爸爸湯鎮宗和妹妹湯樂瑤，一對乖乖女都給媽咪準備了氣球、鮮花和蛋糕，但就未見馬明出現大合照當中。網民心水清留言發問：「邊個揸機？」另一網民快答：「馬生。」網民再八卦留言：「你嘅lovely team仲差一位。」似乎大家都期望看到馬明融入湯家。湯洛雯在IG Story貼出為媽咪準備的生日氣球，卻有倒影到穿着白衣的馬明出現湯家派對，果然閉門一家親。湯洛雯也在IG Story貼出五隻排開的獨角獸照片，暗示馬明已成為家庭成員。

湯洛雯宣佈跟馬明拍拖後，湯媽媽的首個生日，「準女婿」馬明當然不能缺席，昨晚撞正大台劇集《BB大晒》在佐敦搞煞科宴，馬明7時前已到場入內，其後岑麗香及車婉婉等才陸逐到達，大約8時多，馬明心急離開，他以趕時間為由未有停步接受追訪記者訪問，馬明急步往取車，路上更衝紅燈，當馬明駛入又一城停車場，眼見撇不掉追訪記者，罕有黑臉對着鏡頭，又拒絕記者訪問，他不發一言衝入電梯，還趕記者進入同一部電梯，他入電梯後去了另一層，再轉返停車場取車離開，其間擾攘了足足45分鐘才擺脫追訪，馬明如此急趕，因為要爭取時間趕快去陪湯媽媽慶祝。馬明昨晚穿的白tee，正倒影在生日氣球上。車婉婉昨晚也在IG貼出煞科宴的照片。

湯洛雯靚樣遺傳自湯媽媽，網民亦大讚「你同你媽咪個樣一樣，你媽咪年輕個時一定好似你咁靚」、「同阿媽餅印咁」。湯媽媽生日，未知馬明可有甚麼表示？湯洛雯今日短訊回覆傳媒時說：「多謝關心。」湯洛雯的IG Story也貼出了外景時被蚊咬到被蚊叮的照片，看見到令人感到痕癢。

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新