既然在風雨飄搖的日子,這些個股仍有資金追逐,至少大戶認為個股可攻可守,如果以此法搵股,閣下可以找到保利香港(119)、德昌電機(179)及百仕達控股(1168)。本欄唔係成日講冧巴,但這幾隻股過去一個月士佳亦有提及,當然,筆者篩選出這些個股,並非純因為其領先大市咁簡單,但只要讀者偶爾站在大戶立場,猜猜其心理,即使簡單方法亦可以在牛皮市中搵到食。
然而,大市收高於關鍵位之後,情況似乎有些改變,除了大市升勢得到確認,資金可能暫時由優質領先股,轉向追逐落後個股,所以早幾日領先大市的個股,這兩日反而在高位牛皮,估計短期內以大價股較為吃香,熊市不宜追落後,因落後股可以唔彈就繼續跌,但牛市追落後就有可為。
如果讀者嫌大市升得太高,可以考慮落後大藍籌如中移動(941),雖然有分析認為中移動高增長不再,但現價估值仍然相對便宜,筆者唔望其大升特升,但做RangeTrading低揸高沽(如75至88元),相信不俗。更重要是其相對落後,向下空間應較小。
另外,讀者亦可以考慮下注落後板塊中的領先股,例如內房股表現並不標青,但個別內房股如合生創展(754)卻一直拒絕回調,如果能升穿早前高位14.70元,不妨下注。前兩日筆者見股隻表現參差,所以專注在期指好倉上,但大市升完一浸,之後應會在高位上上落落一陣,到時就要考考選股功夫。
張士佳
華富嘉洛證券投資服務部董事