【子健講馬】贏出自信心!700萬身價馬 開竅後非同小可
子健子健講馬塑料喜
馬季進入倒數階段,跑馬地賽事,連同今期(28日)只餘兩期,復現八場出馬滿額,好些馬季內未贏求標尾會,戰意雖有保證,卻要理性點,明白這類唔贏馬都各有原因,想贏唔係大晒!更不應忽略好開、贏開的馬。
第三場四班1650米,「勇創潮流」重回四班用潘明輝,季內未贏,應受注目;莫雷拉肯再騎新勝的「好醒」,又會扯些飛,今場同屬新勝身價700萬港元的「塑料喜」,估計應續有值博賠率。
上次怕「塑料喜」初跑谷草排十檔,內側有「獻惑」,估多數會被頂在二叠,豈料「獻惑」玩唔放,讓「塑料喜」輕鬆埋欄順放,以有頭有尾姿態贏馬,四歲馬出人頭地開齋後,自信心只會有增無減,唞一個月復出,同場無其他放頭馬,形勢安全。
Q腳不離「勇創潮流」、「風采」及「好醒」,三隻其實都一樣屬難贏馬,然而卻已比同場其他馬好。邊線如「鑽石達人」、「常妙星」都唔硬淨。「強中堅」密跑似想求下季可在五班起步。「教主」、「日東昇」及「放下自在」增程欠把握。