第二場五班1200米，「樂趣」是郭能今晚其中一匹牌面馬，落五班跑了三場全入前四名，近兩仗都跑第四，純粹輸在排外檔，這次終於擺脫衰運，抽番次靚位一檔，換埋郭能信心更強。
「威百利」近績似飄忽，實際因場地、路程轉變所致，近兩次跑同程全勝，期間分隔田草1400米及谷草1000米，今晚跑番1200米，雖排七檔不算太安心，但只要楔得好，有權又變身。「執子之手」季初贏谷草一哩也留前鬥後，前仗泥地1200米，無故死搶，上次唔聲唔聲用番留後追跑法，即贏到對手無得跑，季內曾打叠上名，更何況上次已贏，實無必要再跑，肯出王牌報今場，反映有心再搏。
「路路發」近仗都一直有揀，全因向來鍾意牠跑短途，成績證明無睇錯，這次換莫雷拉抽二檔，條件夠爭Q。四強外，「有情風」狀態無走樣，1200米也應合發揮，排三檔亦不差，也是可考慮一選。
「勁猴王」復課操練仍夠積極，狀態亦覺夠弗，可是上仗失望。「大威風」上周一跳完，超過一周無再跳，操練有疑點。「年年好運」不及贏馬時。「鑽飾天使」跑得太密又抽外檔。「隆鳳捌叁」四班無場近，落班都唔吼。「大將風速」跑姿欠佳，12檔蝕唔起。「威加威」狀態不差，可是質素平庸。