韓國大熱綜藝節目《RunningMan》嘅宋智孝，去年同崔振赫合演tvN劇集《急診男女》，當時劇集嘅收視好犀利，不過完成《急診》後，智孝BB就專注主持《RM》同其他工作，但係粉絲都好期待智孝BB嘅新劇推出，而韓國方面就傳出智孝BB將會接拍tvN新劇《前女友club》，據知男主角將會由憑《未生》而上位嘅卞耀漢主演。

呢齣新劇嘅故事內容係講好奇自己女友有咩前任嘅男人，同埋分手後好奇舊愛有乜嘢新女友嘅女人嘅故事，情節設計曲折離奇，單睇故事都幾期待，劇集預計5月首播。