阿嬌(鍾欣潼)上月尾同台灣「醫學王陽明」賴弘國上月26號喺洛杉磯舉行婚前party後，阿嬌就同老公先後喺美國、日本同台灣預支蜜月，咁歡樂嘅日子過得特別快，佢哋嘅假期噚日已經結束，賴弘國噚日就陪阿嬌返香港。

阿嬌返港，吸引大批傳媒接機，當時有記者問到賴弘國可會搬來香港定居，阿嬌就話：「我哋兩個都兩邊飛。」至於今次賴弘國今次會留港幾耐，阿嬌就有啲酸溜溜咁話：「佢送我返嚟，聽日就走喇！」(新聞連結： https://bit.ly/2xOM4Dn )

今日賴弘國就要離開香港，唔知阿嬌係咪好唔捨得老公仔呢，剛才佢就喺ig貼咗老公嘅相，見到賴弘國好開心咁同街邊嘅鏽球花大玩自拍，阿嬌就留言話：「今日笑一笑」，佢仲tag埋老公嘅ig㖭，真係好鬼溫馨，網民見到到大讚佢哋兩公婆好sweet，仲留言回應話：「陪著你笑，陪著你鬧」。原來除咗網民留言，連好姊妹阿Sa(蔡卓妍)亦有留言：「作品名『人比花嬌』」，阿Sa附上幾個大笑貼圖㖭，相信佢都好戥阿嬌開心。但最搞笑係主人翁賴弘國都有留言，佢就大呻：「說好的帥照呢？」同老婆公開喺網上耍花槍，認真 sweet sweet。

相關新聞：
阿嬌蜜月後偕夫返港拖手現身 唔肯俾老公滿分：怕佢驕傲
https://bit.ly/2LsyUO5

【十指緊扣】度蜜月後返港無所不談 阿嬌深情與老公互望
https://bit.ly/2HqdUoQ

【深得老爺喜愛】同賴弘國嘅造人計劃？ 阿嬌：有壓力就生唔到
https://bit.ly/2JfXYvk

【最後關頭做伴娘】投祖兒幸運一票 阿嬌寧願少一個都唔換人
https://bit.ly/2Lw6ovh

精選娛聞，喺晒《娛果》
http://fb.com/appledailyent