今日荔園舉行「荔園慈善日」，黎燕珊率領一班「仁美清敍」及藝人出席。

黎燕珊受訪表示:「一入到嚟就好多集體回憶湧返上嚟，好似返番去幾歲時，雖然邱德根走咗一段時間，但又好似從來未消失過咁，荔園係佢嘅遺願，佢仲在生時，根仔(邱達根)就諗住生日做生日禮物，所以荔園應該喺佢生忌時送，不過唔緊要啦，o依家都OK嘅。」

問佢會唔會帶小朋友嚟，珊姐話:「會o架，不過就唔係今日，要過幾日，個女返緊工，個仔忙緊學校音樂會，以前都有去荔園，同埋劉永(前夫)同個女去，我會搵返嗰個年代嘅朋友，聽日一齊黎懷念下呢位老闆，好似馮寶寶，森森同斑斑，未知道寶寶姐到唔到。」

講到曾傳不和嘅羅霖，最近以半百之齡影寫真殺入書展，黎燕珊即話：「吖？係咩？應該都會影得幾靚嘅，未睇答唔到你。」

咁覺得呢件事點？佢話:「每個人都有自己諗法，要求都唔同，不過今日就係慈善日，我哋就講返慈善，其他人嘅嘢唔講。」