王祖藍同李亞男結婚兩年，佢哋話一年後先生B，o依家就想嘆下二人世界先，無他嘅！事關佢哋喺大埔逸瓏灣買咗間1.2億元豪宅，個呎價仲破埋屋苑紀錄，間豪宅又有私人空中泳池，點可以唔嘆下二人世界先呢。王祖藍之前仲話老婆係賢妻良母型，生B後肯定長時間照顧小朋友，所以俾佢「先甜後苦」，過完甜蜜二人世界先努力造人！

老公搏命搵錢，亞男就不時周遊列國享受寫意人妻生活，呢幾日身處布達佩斯嘅佢，噚晚就貼咗着三點式嘅相上Ig，晒索爆身材，唔止有事業線，條腰仲鬼咁幼，長腿鬼咁長，fit到漏身材真係冇得輸。