【本報訊】「嗰七間（林駒駕駛學校）唔關我事，我要劃清界限！」今年60餘歲的林玉駒，是林駒駕駛學校的創辦人，他向記者堅稱，真正的林駒駕駛學校現在只有位於葵涌廣場的一家，其他的全部跟他無關，「我叫佢搞還搞，唔好用我嘅名。」
教駕拖頭出身的林玉駒，從一個普通教車師傅，到90年代創立擁有10間分校的林駒駕駛學校，但在競爭激烈下，規模日漸縮小，不過，3個月前，「林駒駕駛學校」突然在報章大賣廣告，並列出8間分校地址。「跟住有人嚟搵我，話落咗好多廣告，要同我收番廣告費。」

收數佬登門追債

林玉駒口中的「有人」，就是早年跟他「搵食」的一名姓吳職員，「呢條友精甩尾，識人，好識拉客。」他說，20年前已認識姓吳男子，當時吳只有13歲，「嗰陣時，佢話同我抹停喺爛地嘅拖頭，每個月收250蚊，其實收錢當日先至抹一抹，變相收陀地。」
林玉駒說，90年代，教車行業大戰，他讓吳在黃大仙分校當「揸弗人」，從此惹來麻煩。「我知佢幫人搞車牌、呃錢，托咗好多人水龍，結果坐監，佢坐完出嚟，要同我夾份再開駕駛學校，我唔肯，點知佢用我嘅名搞咗七間分校出嚟。」林更說，最近有收數佬到其葵涌學校追債。
前日，林玉駒在荃灣一家酒樓與記者見面，再三強調「林駒駕駛學校」被指發假內地駕駛證事件與他無關，「嗰七間（學校）完全唔關我事。」