張敬仁、「牛雜妹」李美琪噚晚到銅鑼灣出席《逃亡大計2》首映禮，羅孝勇就同媽咪一齊到場睇戲。張敬仁孖李美琪到場，佢哋都話好鍾意睇動作片，關於呢啲題材嘅戲都睇好多，張敬仁仲話學緊打拳：「我啲筋骨幾柔軟，所以冇咁易整親，踢腳冇問題，就體力較弱。」

李美琪就話自己同張敬仁剛好相反：「我見佢好輕易就做到踢腿，我自己就覺得踢腳好困難，仲差踢到啲抽筋，但我嘅拳腳就有力，以前讀中、小學時，啲同學叫我男人婆，又叫我鐵沙掌，因為我真係好大力。」張敬仁笑話自己有條片整蛋糕，因為整爛咗蛋糕公仔，所以被Fans起花名做「暴力仁」。問佢哋咁粗魯驚唔驚嚇走晒啲男士？佢哋都話唔怕：「呢個年代嘅男仔，未必鍾意太柔弱、好嗲嘅女仔，相信會鍾意爽朗型女仔多啲。」

精選娛聞，喺晒《娛果》
http://fb.com/appledailyent