第十一屆長春電影節下星期喺內地嘅吉林市舉行，今年三部香港電影許鞍華嘅《桃姐》、陳木勝嘅《新少林寺》同杜琪峯嘅《奪命金》都入咗圍參加競賽，梁家輝、惠英紅同徐子珊都會出席。大家要留意嘅會係本月25日舉行嘅閉幕禮，齊齊睇吓未輸過嘅《桃姐》主角葉德嫻，會唔會再下一城攞埋長春影后個獎。