要留意嘅又豈止一個派對咁少,另一樣令人期待嘅盛事,應該係MINI嘅全新概念車MINICrossover,曾經喺各大車展上亮相嘅呢部SUV,早就喺網上掀起熱烈討論。據官方資料透露,呢架全新MINICrossover概念車係MINI首次採用超過四米嘅車身長度、四輪驅動以及四個獨立座位,望落雖成功保留MINI外形,但實質喺車身比例及線條設計上都起了極大變化,令外形變得更結實、強壯,而內櫳嘅超現實設計一樣叫人嘩嘩聲。最興奮消息:聽聞呢架新車有望於今年年底推出市場,無論係唔係MINI迷,都肯定引頸以待。
記者:許維雅