近年移居加拿大相夫教女嘅袁彩雲，最近返香港復出幕前，為奇妙電視飲食節目《為你Cooking》擔任嘉賓主持，今日袁彩雲就同好朋友利嘉兒(Lily)一齊喺觀塘拍攝新一集節目。彩雲表示：「已經有七年冇喺幕前演出，今次奇妙電視好有誠意邀請我返嚟做四集嘉賓主持，每集都會搵好朋友上嚟，今次就搵咗Lily。」

時隔多年企喺鏡頭前有冇唔慣？彩雲話：「都還好，開頭要時間適應，跟住慢慢就習慣番。」佢仲話：「今次下廚仲要親自斬雞，平時好怕斬雞，但為咗整味鑽石雞俾Lily食試，於是親自落手。」 旁邊嘅Lily笑言彩雲斬雞嘅時候好強氣勢，睇到心跳加速。

兩人透露已經相識十幾年屬同期出道，而且各自嘅家務助理亦係好朋友，Lily話：「雖然識咗好多年，但好少一齊合作，以前見得最多就係喺化妝間，傾傾吓就成為好朋友。」

更多娛聞，喺晒《娛果》
http://fb.com/appledailyent