當年今日
關於我們

最Top化妝師Zing教路:妝唔怕濃!

蘋果日報 2007/11/19 00:00


香港數一數二至Top的化妝師,心目中有幾位,眼前呢位必定係其中之一。阿Zing入行近20年,經典的Sammi「Nike眉」、王菲「眼淚妝」,記憶猶新。趁機向大師偷師,請教今季秋冬妝容貼士,阿Zing話:「化妝應該越化越濃,越濃就越煞。」好玄,齋講唔明?索性搵阿Zing首席徒弟仔之一阿Ling出手,演繹阿Zing師傅口中的秋冬濃妝。

記者:胡卓琳
攝影:陳陶鈞
Model:CaraG.
MakeUp:[email protected]
Hair:[email protected]
嘴仔要線條
Zing:「唇部線條的勾畫十分之重要,唔一定要有心形嘴,不過細緻同雕琢的時間絕對唔可以慳,當然呢樣就係最能考驗化妝功力的時候。」
紅唇妝
妝容Focus於唇部,鮮紅的唇膏顏色都經已夠晒搶眼,眼部化妝只要輕輕帶出輪廓已足夠,胭脂可省卻,以免搶走重點的唇部化妝。
empty
囗先用銀色眼影掃上眼蓋位置作打底,再以灰色加深藍放於眼睛大約五分四的尾位,以突出眼部的線條。
囗將眼影顏色Blend開至眼頭、鼻骨位,以營造自然的鼻影效果,再加上深黑的眼線。
囗以銀灰色作下眼線及內眼線的顏色。
empty
囗唇部是全個妝容的重點,Cara的嘴唇較薄,首先以鮮紅唇線筆畫出理想唇形,再以唇掃掃上鮮紅色唇膏。
empty
囗要唇部的線條更加突出,建議搽好唇膏後,再以遮瑕筆修補,以突出唇部輪廓。
empty
眼睛要夠煞
Zing:「今個秋冬化妝先決係改變女士們既有的心態,妝容唔怕濃、顏色唔怕大膽,先了解個人面部最靚的部位,例如雙眼最靚,則以化妝技巧Show出自己最靚的一面,營造最濃妝艷抹的至煞妝容。」
empty
濃眼妝
靈魂之窗的妝容,以超深色的眼影配合紅潤的胭脂,以漸變色演繹出層次感,唇部顏色越Nude越好,MattColor就最適合。
empty
囗先於眼蓋位置掃上黑色CreamEyeshadow,覆蓋大部份眼蓋位置,尤其是眼尾地方,越黑越好,再將顏色向眼眉位置推開,Blend出層次感。
empty
囗胭脂方面,可掃於眼睛對下的顴骨位,目的係營造出顏色向下漸變的效果。
empty
囗要做出更Nude更Matt的唇部顏色,可嘗試於唇部搽上潤唇膏後,再搽上粉底。
empty
empty
empty
大膽落筆、小心收拾!
創新大膽的妝容不難於阿Zing的作品中找到,從來不按章出牌的大師級化妝師阿Zing,歷年名作多的是,因為阿Zing的化妝宗旨就係勇於嘗試,「化妝要不斷試,寧願採取大膽落筆、小心收拾的做法。」記住啦各位!
empty
神奇彩妝Zing展
早前阿Zing同SK-II搞咗個小型展覽,一次過展出18幅歷年經典作,最新兩張搵咗新進ModelCaraG.影,當日到場支持的CaraG.都忍唔住大讚阿Zing專業:「Zingisamazing!」收到,其中一張銀色Metallic眼都夠型啦,加上另一張Cara合埋眼都一樣咁靚。多年作品當中有不少名人,包括Sammi及嘉玲,亦有不少是普通Model,在阿Zing眼中,任何人都可以好靚,化妝係要突出一個人最靚的一面。
empty
empty
empty
Zing推介妝前護理
化妝前預備亦很重要,尤其眼部,阿Zing建議化妝前先為眼睛做好護理,否則濃妝下皺紋容易出現,大殺風景。
empty
■SK-II全效修護眼霜$580
empty
■SK-II全效細胞修護粉底$360
SK-II(31010551)
尖沙嘴海運大廈連卡佛專櫃