英國一代超模姬蒂摩絲（KateMoss）與老公JamieHince雖然未正式離婚，但係已經各有各玩。41歲嘅姬蒂仲戀上嫩口男、28歲嘅攝影師NikolaivonBismarck。

兩人日前被人影到喺巴西里約熱內盧拍拖，姬蒂着得好低調，同男友拖手行街。英國《太陽報》引述當地遊客，指姬蒂同男友睇上來好甜蜜，似初初熱戀嘅情侶。姬蒂拖實男友，又喺條街度提起膝頭，動作多多。不過，又煙又酒嘅佢身材保養得唔係太好，當佢入完一家小店買嘢出嚟時，件衫移咗位，露出腩肉。

姬蒂本身已有一名14歲大嘅囡囡LilaGrace，友人指佢真係好鍾意呢位新男友，仲唔介意做高齡產婦，考慮要為對方生BB。但係呢個Nikolai有少少神化，之前有報道講佢有飲牛血嘅癖好。