既云「大時代」,當然是大風大浪。大風浪之中,你有冇找到避難所?星俠並非想講自己「叻」,但我真係在港股大跌前一日將手上炒股組合「減磅」90%,之後就抽身「離場」(離開股場,不去證券行),任股票經紀不時來電猛叫我「撈貨」都好,我一於少理。
一宿無話,昨日我「瞓到黃朝白晏」,港股開市亦不聞不問,過了中午才施施然去證券行。我的感覺告訴我,經過這一天半的「離場」應足夠,昨日下半場再入市,便能享受大調整後再無顧慮的升浪。
星俠如此「神乎其技」,當然會有讀者「唔信」,但我真係並無「老吹」,在大跌市當日,我已提及港交所(388)出現近月以來首次下跌,股友若不善忘,應知星俠已sense到大市或有不妥。就是這種心血來潮,告訴我於股海大跌前一日,不妨離開股場一陣。