昨日大市雖然奄悶，但有唔少二三線股炒作，例如上市夠半年冇耐嘅中國無線（2369），噚日突然急升21％，收1.15元，為上市以來新高。
另外，百威國際（718）亦升14.58％，收0.165元。
經紀陳話，呢兩隻股仔喺噚日淡市中特別顯眼，不過炒得熱鬧之餘，睇嚟未有足夠散戶跟進，估計炒家應該未散到貨。
其實早兩個星期前，唔少行家已收到風中國無線會有大搞作，但唔知係咪隻股靜得太耐，所以令人唔係太有信心，好多行家都係聽過就算，隻股噚日升幅超過兩成，成交金額有成1652萬元，佢都覺得有啲走寶。
經紀陳又話，炒家收貨收咗咁耐，街外貨源已收得七七八八，所以先至升得容易。