【新馬特別勁】馬名叫得韋先生 極受韋達重點看待
蘋果日報 2019/12/27 15:12
韋達韋先生
韋達(箭咀)望住韋先生
韋達今季開倉立萬，表現越來越好，近期更頻頻錄得頭馬進帳，現時已累積15場頭馬，實有賴練者每朝積極督操。
今朝（27日）亦不例外，雖然經歷夜馬後仍一早到場，首先於行政大樓看台睇泥地好手「八心之友」內圈出試，看罷急不及待到機坪接馬，仔細仄視馬身，相當認真。
「八心之友」將出戰周日（29日）第二場五班1650米泥地賽。
之後輪到第三場四班1200米初出馬「韋先生」作相同操練，韋達於同一位置舉鏡眺望，歷時達十分鐘，之後接馬亦明顯緊張，近期韋廐新馬連番建奇功，且看此駒能否夥拍希威森一出即勝，再為馬房省靚招牌。
「韋先生」是三歲拍賣馬，身價230萬，由資深馬主史立德所擁有。