當年今日
關於我們

【世青盃】利物浦新兵入波 小英軍殺入4強

蘋果日報 2017/06/05 21:10

熱刺車路士世青盃意大利U20英格蘭U20

世青盃周一完成埋最後2場8強戰,終於去到最後1場先唔使加時,英格蘭U20憑今夏轉投利物浦嘅中場蘇蘭基47分鐘一箭定江山,以1:0擊敗墨西哥U20,繼1993年拎季軍後,再次打入世青盃4強,將會同意大利U20爭決賽席位,不過熱刺中場約舒亞奧路馬今仗拎咗紅牌,無緣踢呢場大戰嘞。
世青盃之前3場八強戰都要踢足加時,好似周一頭場,意大利U20兩度落後下,兼且踢少1人下,法定時間都可以2:2逼和贊比亞,加時階段憑AC米蘭青訓產品盧卡域度入波,以3:2戲劇性贏波晉級。