現年24歲嘅美國小天后Ariana Grande今晚將於亞博開騷，繼噚日出席完運動品牌活動之後，於Instagram上載自己風騷練舞相。相中佢同2位舞蹈員於鏡前練習，寫道：「今日係最美好嘅時光，今日同Reebok家庭、朋友一齊慶祝ArianaxReebok系列發佈，佢哋係我最大嘅靈感。」又另外上載咗兩張造型相。

另外，演唱會方面亦公佈咗最新嘅安檢消息，除咗如之前所講唔可以帶任何袋同背包，要帶透明膠袋之外，官方亦表示：「銀包、手提電話及便攜式充電器可以攜進場館。小型透明膠袋尺寸不超過A4。」另外，入場時間為：
4:00 PM 一般企位觀眾開始於地下2號展館排隊等候入場。
6:00 PM 企位觀眾開始入場。
8:00 PM 演唱會開場。