TOM集團(2383)其他媒體業,市場當係草,查實係寶,TOM現價起碼要翻半番,先顯現身價。TOM集團現價1.01元,當中佔咗90%,係反映佢揸住阿仔TOM在線(8282)嘅價值,其他媒體業務,只值0.1元,身價肯定未反映。要咁睇,撇除嚟自TOM在線純利貢獻,TOM集團06年度中期(6月止),自身出版及戶外媒體業務嘅分部溢利,已經接近7770萬銀。七除八扣,呢兩瓣業務06年度純利,起碼都上1億銀,分拆條件熟到唔熟。
又以兩瓣業務25倍PE計,等值25億銀,相等於TOM集團每股0.64元,家陣市場只係秤到0.1元,殘到痹。TOM集團現價起碼要翻半番到1.51元,先反映其他媒體業務潛在凸章價值。家陣喺美國熱捧嘅祖國媒體股,預期06年度PE講緊近40倍,TOM仲喺歷史低位,價殘實情抵搞。