今晚（27日）重返谷草作賽，八場賽事用C跑道，度地儀指數2.70，場地掛牌為好地至快地。如天氣情況許可下，將按計劃在第四場後進行壓地。

睇番最近5月23日谷草C跑道，當晚度地儀指數2.70及掛牌好快地，雖然早段場次有「金碧輝煌」及「志友運」走外叠居中後上勝出，不過中後段場次偏差頗為嚴重，尤其下半場壓地後頭馬全部由內前置馬包辦，如「哈蝦巴爸」一放到底。

另外，「激賞」及「騰龍超影當晚守貼欄包廂位建功，具前速可守好位馬匹仍然要優先留意。

今晚第四場「善財到」上仗正是於5月23日谷草C欄賽事放頭入位，快馬等番同一移欄再跑有機會贏馬補中。

而第六場「聰明申報」四次角逐谷草C欄1000米獲兩勝兩位，憑出色場地性能有力交出表現。