懷有4個幾月身孕嘅黃婉曼（Icy），上圍升cup，肚又脹大，但行動仍然敏捷，佢堅持一邊工作，一邊安胎，想當年「天氣小姐」出身嘅Icy，今日應港台節目《大氣候》做主持，挺住大肚嘅佢開咪分享天氣資訊，Icy話呢個節目同天文台合作，主要講氣候變化，關注全球暖化問題。

Icy最初答允做主持時，啱啱發現有咗，呢個節目一做就要3個月時間，所以做完佢個肚都7個幾月，Icy今日接受《蘋果》訪問時話：「我都擔心體力，唔知應唔應付到，但諗吓講天氣做胎教，我陀住阿B一齊吸收關注地球暖化資料，呢啲嘢都會影響我下一代，子子孫孫嘛，希望阿B胎教吸收到呢啲知識。」Icy話好懷念8年前螢幕報天氣，對報天氣有住一份情意結，佢自爆有時發夢都會報天氣。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。