呂珊前晚喺理工大學賽馬會綜藝館舉行個唱，請咗葉振棠、許冠英同童星Jacky仔做嘉賓，呂珊先後換咗婚紗、旗袍同牛仔裝出場，實行食住《斷背山》（BrokebackMountain）個勢。佢喺台上猛問觀眾佢靚唔靚，又話：「拍劇我唔想再做人哋阿媽啦，我咁靚女。」後來佢喺台上播出佢細個同李小龍影嘅合照出嚟，但李小龍都死咗三十幾年，佢咁咪即係自揭底牌。