勇士喺今季總決賽擊敗騎士，令現年33歲嘅柏治利亞（Zaza Pachulia）成為NBA史上首位贏冠軍嘅格魯吉亞球員！柏治利亞話格魯吉亞係個得350萬人口嘅小國，但一班同胞都好支持自己，所以佢都想為祖國贏冠軍。

其實除咗柏治利亞之外，NBA史上只係出現過3位格魯吉亞球員，當中包括1998年選秀第27籤嘅史堤賓尼亞（Vladimir Stepania）、2002年選秀第5籤嘅斯傑舒夫維利（Nikoloz Tskitishvili）、以及2012年選秀第54 pick舒基利亞（Tornike Shengelia）。