蔡楓華（Ken）2011年再度活躍樂壇，復出後差不多一年一騷，今年10月他將在荃灣大會堂開兩場騷。但他還有一個紅館夢，直言希望在紅館開多一次演唱會，更有人提意他休息幾年，令fans覺得更珍貴再開。

Ken說：「我一年一騷，唔好講賺錢，起碼我充實，有得賺已經都好開心。就算得一個觀眾，我都係唱得咁落力、開心。我仲想上紅館開多次演唱會㗎！」

不過，Ken明白開騷都要計數，他說：「我問對方俾幾多錢我先？紅館依家最多做兩場，賺得咩錢？製作費都四百萬，最賺就係黃華子華，得個台仔，廿幾場賺過億，呢啲咪時勢做英雄囉！劉德華都收唔到1億歌酬啦！」

談到返大陸登台，Ken認歌酬相比以前是十級跳，皆因以前俾人「蝦」：「啲經紀睇死你，一定係收咁多，唔肯就範就唔同你排。後嚟我試過自己排，收入俾佢開價高十倍。佢開俾我得5位數，依家我起碼兩、三個6位(即20至30萬)至肯去。」再連講四次「依家唔同喇！」然後再說：「我又唔係爭少少嚟食飯，你俾得起，我咪嚟囉！」

撰文︰祖李
攝影︰林德雄、葉君海
場地提供︰Meeting@Causeway Bay

精選娛聞，喺晒《娛果》
http://fb.com/appledailyent