當年今日
關於我們

索K港青:困15日當去camp

蘋果日報 2009/07/11 00:00


【本報訊】內地公安將逾百名北上索K港人加監10日,希望收阻嚇之效,不過有曾在內地因索K被拘留香港青年直言:「拘留15日根本冇作用,喺拘留所入面冇嘢做好得閒,有人當去camp(宿營)、有人當返工。」另一名現時仍經常到內地娛樂場所濫藥的青年更笑言:「唔擔心俾人拉,有錢咪再上去(深圳)玩囉!」有社工希望因濫藥在內地被拘留港青獲釋後,當局可以跟進輔導。
視公安高調掃毒行動如無物的17歲港青阿過(化名),其想法正反映不少香港青少年「玩咗先算」的價值觀,當得知有過百港人因濫藥在深圳被捕,他大笑:「我哋去嘅娛樂場好安全㗎,冇咁易俾人捉到嘅。」更以為「喺大陸畀錢,就可以唔使拘留、即刻走。」
「捱過兩星期 繼續揩嘢」
曾於05年在深圳的士高遭公安拘捕,驗尿被揭發濫藥遭拘留15日的毒海過來人阿Dee(化名),也認為半個月的拘留生涯毫無作用。他說當時40名友人擠於的士高私家房,「索咗K同啪咗fing頭丸,去到拘留所仲wingwing哋(感到暈眩)。」阿Dee續稱:「被困15日內,日日食足三餐,好得閒,冇人轉介我戒毒,唔知做乜。捱過呢兩星期,返到香港就繼續落D(的士高)玩,繼續揩嘢。」
青年協會荃灣及葵涌外展社工隊單位主任陳文浩指,公安這次高調掃蕩深圳娛樂場所,相信有助阻嚇青少年北上,他歡迎特首早前提議將在內地因吸毒被捕港青資料送交香港,待他們遣返香港後提供輔助,希望當局盡快落實執行。他指,過去港方做法是警方拉人落案起訴,社工則自行找個案,若能加強雙方連繫,可望提供較有效的預防濫藥措施。
empty
昨日獲釋的一名夜店女員工(右),身穿與被捕時一樣的制服。